var kallaður Hulk, en heitir nú Enrico

Eigandi: Steinunn Árnadóttir Litur. Rauð Sable / Hvítur. Fæddur 15. desember 2005, 192. gr.

Það má eiginlega segja það að hann hafi fengið nafnið Hulk, strax við fæðinguna. Hann var svo stór, að okkur ljósmæðrunum fannst nóg um (alla vega fannst mér hann stór, miðað við þá sem á undan höfðu komið). Það kom svo á daginn að Hulk, - hinn stóri, stækkaði mest og varð strax eins og Golíat, bar höfuð og herðar yfir systkini sín. Hann hafði sérstaka skapgerð, svona fyrstu vikurnar. Vildi helst vera einn í sínu horni, hugsa og spá í tilveruna í kringum sig.

Þegar kom að matmálstíma, var sko aldeilis komið að honum að sjúga spenann og það helst fleiri en einn. Honum gekk svo mikið til að hinir hvolparnir máttu forða sér, til að verða ekki undir þeim stóra. Hann vildi fá sitt, aðrir máttu bara fara aftar í röðina.

Ég skrifaði hjá mér þyngdina á hvolpunum, daglega í 8 vikur, og ég segi það hér og nú, mér fannst eins og viktin væri biluð. Hann bara bætti við sig og bætti við sig – endalaust. Vissulega þyngdust hinir en hann Hulk minn, sló þeim við á hverjum degi. Átti alltaf metið í þyngdaraukningu, eins og hann væri hreinlega á sterum, svo mikill var ákafinn. Fljótlega fór þessi stóri fallegi hundur að verða mjúkur að utan sem innan, hann fór að kyssa mann og kela eins og hann hefði aldrei gert annað. Hulk varð nú hvers manns hugljúfi og bræddi hvern þann sem kom í heimsókn. Hann var jafn elskulegur og sætur eins og hann var stór. Hreinlega frábær hundur sem fékk strax mikið rými í hjörtum okkar.

Enrico hinn ljúfi og fallegi, hefur nú fengið framtíðarheimili hjá Steinunni Árnadóttur og fjölskyldu í Seljahverfinu, þar sem honum líkar vel, glaður og ánægður

Faðir: Emira's Bobbie James IS06998/03 F.Faðir Emira's Ufano of Offside Vittoria's Offside S16308/94 DKCH INTCH Emira's Pimpinella of Zæta DK05364/95 F.Móðir Emira's Rebelle of Chesterfield DK24558/96 EUJSG Gold Wings Chesterfield Coctail DK00437/92 Coquette Deux V.D.Johannieterhof DK07143/96 Móðir: Hálsakots Little Miss Surprise IS06699/02 HD: M.Faðir Lullans Zæta IS06611/02 SUCH Lullans Misterascot S13927/82 Lullans Water-Lily S61485/90 M.Móðir: Tópasar-Double Joy IS05344/99 ISCH Blackpark Just Gordons IS03051/94 Lordsrake Undaunted IS04390/97